本帖最後由 tomy09 於 15-11-2012 16:28 編輯
之前放ac覺得自己蝕好多,但依家諗番其實我都好慶幸自己一早放左ac,唔係就奶野
自從香港天龍八部出左 [轉蛋] 呢樣野之後,遊戲既平衡已經完全破壞,轉蛋可以抽出既物品包羅萬有,越轉越多
由最初既抽寶石,抽坐騎,抽時裝 ,到抽重樓,抽裝備,抽潛能,抽雕紋,到依家黎個轉轉樂,乜野都有,睇怕係差在冇得抽gm功能體驗卡
相信引起玩家最不滿既就係潛能真丹事件,係樂古開post罵gameone既人又有,眼紅人地中到正野既人又有,因轉蛋嘴砲既人又有,因轉蛋瘋狂既人都有
可見抽獎既魔力係對人類做成幾大影響,好多人都想訓身一博,想刀仔鋸大樹,執番個靚嘜頭,但永遠冇諗過自己個銀包既感受
好多玩家都係樂古開post話,天龍冇得救,gameone你出完轉蛋未,g1冇人性,垃圾轉蛋破壞遊戲平衡,對天龍心淡 等等既帖,但係就永遠冇諗過一齊抵制下d轉蛋
又要鬧,又要抽,又有人表示自己唔會抽d垃圾蛋,係唔抽蛋,不過係負責收購轉蛋物品同埋整亂個市咋嘛,你緊係以為自己好醒目啦
不過最醒目既唔係你,係gameone,有人話,gameone好白癡,如果持續更新天龍既版本,收入就一定會更加多,淨係識出蛋,冇鬼用
冇錯,呢個講法係岩,但係點解gameone仲堅持出轉蛋,漠視玩家感受呢?就係因為好多人去抽轉蛋,轉蛋風氣先會一直持續落去
我係gameone我都會出轉蛋啦
我整個轉蛋洗幾多時間姐,整完個轉蛋就放出黎更新,之後就一大堆錢落我袋,我洗咩咁麻煩同國服或者台服買更新姐
好似上次潛能真丹咁,簡直賺到我笑,低成本,高收入,事成之後係本遊戲雜誌回應下你地d問題就拎錢收工,
你班友仔咪鬧我囉,做得大生意賺得多既,預左比人鬧架啦,你除左鬧我仲可以點姐??唔開心既咪唔好玩囉
多你一個唔多,少你一個唔少,我就出蛋,你負責抽,錢我就一大堆,不過我賺既唔係你地抽蛋中靚野賣出去換番黎既元寶,係現金呀baby
就係因為gameone捕捉到你地既心理,先會一直出轉蛋出唔停,如果各路英雄肯協力抵制轉蛋,佢有得唔更新咩?
到頭來罪魁禍首都係玩家自己,乜野7,8星裝,6,7,8石,乜野潛能真丹,咪又係你地自己狂抽蛋種出黎既惡果
個個識話轉蛋搞到天龍衰到貼地,咁點解今次幸運輪盤你地仲要抽呀??唔好同我講冇左轉蛋呢個詞就以為第二樣野黎呀
希望各位玩家抽轉蛋之前三思,到依家咁既田地,你地好清楚自己應該抽定唔應該抽 |
[複製鏈接]
發表於 14-11-2012 18:40:17
收藏
轉播
分享
淘帖
支持
反對
變色卡
講得岩呢 我隻慕容擺左過幾萬 500蚊都唔知賣唔賣得出
發表於 14-11-2012 18:45:05
樓主的確講得冇錯
樓主